Ástæðan er að kóladrykkir innihalda blöndu af ýmsum sýrum. Þar á meðal eru kolsýra, sítrónusýra og fosfórsýra en þessi blanda er frábær til að fjarlægja bletti, þar á meðal þá allra erfiðustu.
Þegar þú lendir í vanda við að ná matarleifum af pottum og pönnum er hægt að láta uppþvottalöginn eiga sig og nota kóladrykk þess í stað. Heltu honum í pottinn eða pönnuna þannig að hann fljóti yfir matarleifarnar. Kveiktu síðan á hellunni og láttu vökvann sjóða við lágan hita í hálfa til eina klukkustund. Sýran í kóladrykknum brýtur matarleifarnar niður og það ætti að vera auðvelt að þrífa pottana og pönnurnar að þessu loknu.
Það er líka hægt að nota kóladrykki til að þrífa klósettið. Helltu 1,5 lítra í klósettið til að tryggja að skálin sé öll undir kóladrykk. Láttu þetta liggja á í minnst eina klukkustund þannig að sýrurnar fái tíma til að vinna sitt verk. Skrúbbið klósettið síðan með klósettbursta og sturtið síðan niður.
Ef keðjan á hjólinu þínu er farin að ryðga þá er hægt að leysa það með kóladrykk. Sýran í kóladrykknum fjarlægir ryðið af keðjunni á auðveldan hátt og keðjan verður eins og ný. Nuddaðu kóladrykk á með tusku og notaðu hringlaga hreyfingar við það. Skolaðu keðjuna síðan með vatni, láttu hana þorna og berðu síðan keðjuolíu á hana.
Það er líka hægt að nota kóladrykki til að þrífa föt. Ef þú hefur fengið bletti í fötin þín við eldamennsku eða vinnu utanhúss er hægt reyna að fjarlægja þá með kóladrykk. Settu fötin í bala og helltu einum lítra af kóladrykk yfir. Láttu þetta liggja í nokkrar mínútur og settu síðan í þvottavél.
