Sky News segir að ökumaður bifreiðarinnar hafi reynt að aka á lögreglumenn sem hafi brugðist við með því að skjóta á bílinn. Ökumaðurinn og farþegi í framsæti létust. Kona, sem sat í aftursætinu, særðist og var flutt á sjúkrahús. Talið er að skot hafi hæft hana í annan handlegginn.
Sjónarvottur sagði Le Figaro að bílnum hafi verið lagt öfugt miðað við akstursstefnu. Þegar lögreglumenn hafi nálgast hann til að kanna með þá sem voru í honum hafi ökumaðurinn gefið í og stefnt á lögreglumennina sem hafi strax skotið á bílinn.
