Jared Whipple, sem starfar sem vélvirki í Connecticut í Bandaríkjunum, fann mörg hundruð listaverk eftir Francis Hines í ruslatunnu í yfirgefinni hlöðu í Watertown. Verkin eru metin á milljónir dollara en það svarar til mörg hundruð milljóna íslenskra króna.

Hines lést 2016, 96 ára að aldri. Hann var þekktastur fyrir að pakka húsum inn sem hluta af listsköpun. Hann pakkaði meðal annars rúmlega 10 húsum í New York inn.

Hann hafði komið verkum sínum fyrir í hlöðunni að sögn Hearts Connecticut Media Group.

Listaverkin sem fundust í hlöðunni eru meðal annars málverk, höggmyndir og litlar teikningar. Talið er að málverkin seljist að meðaltali fyrir 22.000 dollara og teikningarnar fyrir 4.500 dollara.