Á síðustu fjórum vikum hefur tíundi hver Dani smitast af kórónuveirunni. Þetta kemur fram í tölum sem danska smitsjúkdómastofnunin (SSI) birti í morgun. frá 19. desember til 19. janúar greindust 617.913 með kórónuveiruna í Danmörku en það svarar til 10,6% þjóðarinnar. Hjá þessum fjölda var um annað eða þriðja smit að ræða.

Met var slegið í fjölda daglegra smita í gær en þá greindust 38.759 smit. Í síðustu spá SSI um þróun faraldursins er gert ráð fyrir að smitum haldi áfram að fjölga út mánuðinn og verði dagleg smit jafnvel 55.000.

Þessum mikla fjölda smita fylgir að margir verða að fara í sóttkví og veldur það sem og veikindi fólks miklum vandræðum á mörgum vinnustöðum.