Boris Johnson gekk í það heilaga í þriðja skiptið á dögunum þegar hann giftist hinni 33 ára Carrie Symonds. Fyrsta hjónaband Johnson lifði í sex ár en hann var aðeins 23 ára gamall þegar hann gekk að eiga Allegra Mostyn-Owen árið 1987.

Þau skildu árið 1993 og sama ár gekk hann að eiga Marina Wheeler. Þau tilkynntu að þau væru að skilja árið 2018 en skilnaðurinn gekk ekki í gegn fyrr en árið 2020. Hún opnaði sig í fyrsta skiptið á dögunum í viðtali við Daily Mail.

„Guðdómlega áætlunin, hún fór úrskeiðis,“ segir Wheeler þegar hún ræðir hjónabandið. „25 ára hjónabandið varð ómögulegt svo ég sleit því,“ segir hún.

Wheeler starfar sem lögfræðingur og rithöfundur en hún var með leghálskrabbamein þegar þau skildu. Hún segir að henni hafi aldrei liðið eins og hún hafi verið í skugga Johnson.

„Mér leið ekki þannig þegar ég var að vinna í lögfræðiferil mínum, því ég var auðvitað mjög upptekin, þetta er mjög streituvaldandi vinna,“ segir Wheeler.