Eins og staðan er núna þá látast færri en 2.000 manns af völdum COVID-19 á sólarhring í landinu. Í apríl létust um 3.000 manns á sólarhring. En slæmu fréttirnar eru að síðan í byrjun maí hefur daglegum smitum fjölgað en þau voru um 55.000 á sólarhring í byrjun mánaðarins en eru nú orðin um 66.000. Af þessum orsökum óttast farsóttafræðingar að ný bylgja faraldursins sé í uppsiglingu með tilheyrandi aukningu andláta.
Sérfræðingar segja að aukning smita sé að hluta vegna þess að yfirvöld afléttum mörgum sóttvarnaaðgerðum fyrir um mánuði þegar draga fór úr fjölda daglegra smita. Það er síðan ekki til að bæta ástandið að það gengur hægt að bólusetja landsmenn. Um 20% landsmanna hafa fengið að minnsta kosti einn skammt af bóluefni en 212 milljónir búa í landinu.
Það vekur einnig miklar áhyggjur hjá sérfræðingum að nú hefur indverska afbrigði veirunnar greinst í landinu en það er talið enn meira smitandi en brasilíska afbrigðið. Indverska afbrigðið barst til landsins með áhöfn skips frá Hong Kong.
