fbpx
Laugardagur 22.janúar 2022
Pressan

Dularfullur gefandi gefur tugi milljóna annað árið í röð – „Þetta er ekta jólaráðgáta“

Kristján Kristjánsson
Þriðjudaginn 7. desember 2021 05:59

Stafli af norskum krónum sem tengjast þessu máli þó ekki beint. Mynd:Morten Jelsa

Ekki missa af Helstu tíðindum dagsins í pósthólfið þitt

Lesa nánar

Á föstudaginn fékk Blå Kors, sem eru góðgerðasamtök, í Kristiansand í Noregi gjöf frá ónefndum aðila. Hann gaf samtökunum tvær milljónir norskra króna, sem svarar til tæplega 29 milljóna íslenskra króna. Skýrt var frá þessu á Facebooksíðu Blå Kors sem fékk tveggja síðna handskrifað bréf frá gefandanum dularfulla sem var hvergi nærri hættur góðverkum sínum.

Á sunnudaginn fékk Vågsbygd kirkjan svipað bréf og tilkynningu um að hún fengi eina milljón norskra króna að gjöf. „Þetta veitir ótrúlegan innblástur. Gjafmildi er gulls ígildi og þetta smitar út frá sér,“ hefur Norska ríkisútvarpið eftir Nils Terje Anders, sóknarpresti, sem getur nú glaðst yfir að kirkjan hans fer inn í nýtt ár með einni milljón meira inni á bankareikningi sínum.

Kirkjan hefur lengi lagt mikla áherslu á bjóða upp á samverustundir og úrræði fyrir börn og ungmenni en fjárhagurinn hefur sett starfinu ákveðnar skorður því áhersla er lögð á að börnin og ungmennin þurfi ekki að greiða neitt fyrir þjónustuna.

„Einmitt þegar við vorum farin að finna fyrir því að draumar okkar voru kannski stærri en fjárhagurinn leyfði kom þetta jólabréf. Milljón þakkir fyrir örlætið. Þetta gerir okkur kleift að halda áfram að gera okkar besta fyrir börn og ungmenni í Vågdsbygg,“ sagði Per Gunnar Pedersen hjá Vågsbygd kirkjunni.

Í báðum bréfunum kemur fram að gefandanum er annt um að börn og ungmenni hafi það gott.

Í fyrra bárust þrjú nafnlaus bréf í póstkassa þriggja samtaka í Kristiansand. Þá fengu Blå Kors, Hjálpræðisherinn og Vågsbygd kirkjan peninga að gjöf frá þessum örláta einstaklingi.

„Þetta er ekta jólaráðgáta. Við sjáum börn, sem lifa í fátækt, daglega. Það besta sem við getum gert er að opna félagsstarfið enn betur og fá fleiri börn og ungmenni í kirkju,“ sagði Nils Terje Anders fyrir um ári síðan.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Mánaðarlegar sektir ef fólk lætur ekki bólusetja sig gegn kórónuveirunni

Mánaðarlegar sektir ef fólk lætur ekki bólusetja sig gegn kórónuveirunni
Pressan
Fyrir 2 dögum

Sérfræðingar vara við ranghugmyndum um Ómíkron – Getur getið af sér hættulegri afbrigði í framtíðinni

Sérfræðingar vara við ranghugmyndum um Ómíkron – Getur getið af sér hættulegri afbrigði í framtíðinni
Pressan
Fyrir 3 dögum

Grænlendingar glíma við mikla útbreiðslu kórónuveirunnar

Grænlendingar glíma við mikla útbreiðslu kórónuveirunnar
Pressan
Fyrir 3 dögum

Fleiri drónar sáust við sænskt kjarnorkuver og víðar í gær

Fleiri drónar sáust við sænskt kjarnorkuver og víðar í gær
Pressan
Fyrir 4 dögum

Fyrsta lestaferðin frá Norður-Kóreu síðan heimsfaraldurinn skall á

Fyrsta lestaferðin frá Norður-Kóreu síðan heimsfaraldurinn skall á
Pressan
Fyrir 4 dögum

„Hann segir alltaf satt“

„Hann segir alltaf satt“
Pressan
Fyrir 5 dögum

Þetta er appið sem þú ættir að halda þig frá fyrir háttatímann

Þetta er appið sem þú ættir að halda þig frá fyrir háttatímann
Pressan
Fyrir 5 dögum

Nokkur merki þess að þú sofir of lítið

Nokkur merki þess að þú sofir of lítið