BBC skýrir frá þessu. Haft er eftir Bourla að eftir öllu að dæma þurfi jarðarbúar að fá árlega bólusetningu gegn kórónuveirunni næstu árin til að hægt sé að viðhalda ónæmi gegn henni.
Pfizer vinnur nú að þróun bóluefnis sem virkar gegn Ómíkron afbrigðinu og reiknar með að það verði tilbúið eftir 100 daga.
Fyrir árslok verður fyrirtækið búið að framleiða þrjá milljarða skammta af bóluefni gegn kórónuveirunni og á næsta ári verða fjórir milljarðar skammta framleiddir. „Þetta hefur verið kapphlaup við tímann til að vernda eins marga og hægt er en á næsta ári ættu öll ríki heims að hafa aðgang að öllum þeim bóluefnaskömmtum sem þau hafa þörf fyrir,“ sagði Bourla.
Mörg hjálparsamtök hafa gagnrýnt mikinn hagnað Pfizer, BioNTech og Moderna af sölu bóluefna gegn kórónuveirunni og segja fyrirtækin hafa hagnast ótæpilega á að hjálpa fólki í neyð. Þessu vísaði Bourla á bug og sagði að fyrirtækið hafi bjargað milljónum mannslífa og sparað ríkjum heims gríðarlegar fjárhæðir.
