Sumir telja það mikla synd að stunda kynlíf utan hjónabands og í hinu gríðarlega íhaldssama Aceh-héraði í Indónesíu er það talin mikil synd að stunda kynlíf áður en gengið er í hjónaband eða með öðrum en makanum. Þessu fékk par eitt að kenna á nýlega þegar það var hýtt á almannafæri fyrir að hafa stundað kynlíf fyrir hjónaband.

Það var sharíalögreglan í ríkinu sem framfylgdi dómnum þegar parið var hýtt á almannafæri en töluverður mannfjöldi safnaðist saman til að fylgjast með. Meðal áhorfenda voru embættismenn en hýðingin fór fram í almenningsgarði.

Aceh er eina ríkið í Indónesíu þar sem ströngum íslömskum lögum er framfylgt. Samkvæmt þeim er fólk hýtt fyrir þjófnað, fjárhættuspil og kynlíf utan hjónabands. Opinberar hýðingar hófust 2005 og margir óbreyttir borgarar í ríkinu styðja þær en ekki þó allir.

Meðal stjórnmálamanna eru skoðanir skiptar um þetta.