Á fimmtudaginn var málverkið „Meules de blé” eftir hollenska málaranna Vincent van Gogh selt á uppboði hjá uppboðshúsinu Christie‘s í New York. Verkið seldist á 35,855 milljónir dollara en aldrei hefur svo hátt verð fengist fyrir vatnslitamynd eftir van Gogh.

Uppboðshúsið hafið áætlað að 20 til 30 milljónir dollara myndu fást fyrir verkið.

„Meules de blé” sýnir heysátu í franska bænum Arles en þar bjó van Gogh i rúmlega eitt á níunda áratug nítjándu aldar.

Hann er talinn einn stærsti listmálari sögunnar og meðal þeirra sem hafa haft mest áhrif á listgreinina. Sjálfur upplifði hann ekki miklar vinsældir á meðan hann var á lífi.

Eftir andlát van Gogh 1890 eignaðist bróðir hans, Theo van Gogh, „Meules de blé”. Málverkið skipti síðan nokkrum sinnum um eigendur þar til nasistar læstu klónum í það í síðari heimsstyrjöldinni.  Eftir stríðið var ekki vitað hvar málverkið var fyrr en á áttunda áratugnum.