Kim Jong-un, einræðisherra í Norður-Kóreu, íhugar að koma aftur á samskiptum við Suður-Kóreu. Ef af verður mun það gerast snemma í október. Þá getur hann rætt beint við Moon Jae-in, forseta Suður-Kóreu.

Það var norðurkóreska fréttastofan KCNA sem skýrði frá þessu. Í frétt hennar segir að leiðtoginn íhugi að opna á nýjan leik nokkrar símalínur á milli ríkjanna og það á næstu dögum. Þetta er að sögn KCNA liður í að „gera vonir fólks um betri tengsl ríkjanna og viðvarandi frið“ að veruleika.

Ríkin hafi tæknilega séð verið í stríði síðan 1950 en 1953 var samið um vopnahlé en aldrei hefur því verið lýst yfir að stríðinu sé lokið.