Nýlega heyrðu nágrannar hinnar skosku Hollie Hunter hana öskra af öllum lífs og sálarkröftum. Þeim leist að vonum ekki á blikuna og hringdu strax í lögregluna sem sendi umsvifalaust lögreglumenn á vettvang og óku þeir forgangsakstur því óttast var að eitthvað skelfilegt væri að eiga sér stað í íbúð Hunter.

Lögreglumennirnir létu strax til skara skríða til að reyna að aðstoða Hunter og lyftu rúmi henni upp til að ná hinum óboðna gesti sem hafði hrætt hana svo mikið. Og viti menn, undir rúminu var könguló og mölfluga að auki. Lögreglumennirnir fjarlægðu „ógnvættinn“ og Hunter gat róað sig. Hún skýrði sjálf frá þessu á Facebook.