Páfagarður hefur í fyrsta sinn gert opinberar upplýsingar um þær fasteignir sem hann á. Þær eru samtals 4.051 á Ítalíu og 1.120 utan Ítalíu. Mikil leynd hvílir yfirleitt yfir fjármálum Páfagarðs og hefur aldrei áður verið skýrt svo nákvæmlega frá þeim.

The Guardian skýrir frá þessu. Fram kemur að fasteignafélag Páfagarðs, Administration of the Patrimon of the Apostolic See (Apsa), sjái um rekstur fasteignanna.

Félagið á 4.051 fasteign á Ítalíu og 1.120 utan Ítalíu. Sendiráðsbyggingar eru ekki meðtaldar.

14% af fasteignunum á Ítalíu eru leigðar út á markaðsverði en hinar á mun lægra verða, margar til starfsmanna kirkjunnar. 40% eru skólahúsnæði, ráðstefnuhúsnæði og sjúkrahús. Apsa á einnig eignir í dýrum hverfum Lundúna, Genf, Lausanne og París.