Á laugardaginn tilkynntu alsírískir sjómenn um dularfulla pakka á floti undan strönd hafnarborgarinnar Oran. Strandgæslan var send á vettvang og veiddi fjölda pakka upp úr sjónum. Þeir reyndust innihalda 490 kíló af kókaíni.

CNN skýrir frá þessu. Fram kemur að í fréttatilkynningu frá yfirvöldum komi fram að greinilegt sé að smygltilraun hafi farið út um þúfur en að ekki sé vitað hverjir stóðu á bak við hana.

Fyrir átta árum lýstu yfirvöld í landinu því yfir að fíkniefnasmygl væri meðal þess sem ógnar þjóðinni einna mest en það tengist umsvifum vopnaðra hópa í landinu.