Stöðvarnar verða opnaðar á næsta ári og eiga að sinna þeim sem ekki eru með sjúkratryggingar eða ekki með nægilega góðar tryggingar. CNN skýrir frá þessu.
Í tilkynningu frá Jordan segir að allir eigi að geta notið gæðaheilbrigðisþjónustu, óháð því hvar þeir búa eða hvort þeir eru með sjúkratryggingu. „Wilmington á sérstakan stað í hjarta mér og það er svo sannarlega ánægjulegt að geta gefið eitthvað til baka til samfélagsins sem studdi mig í gegnum lífið,“ segir í tilkynningu hans.
Þetta er ekki í fyrsta sinn sem Jordan gefur peninga til samfélagsverkefna. 2017 gaf hann 7 milljónir dollara til Novant Healt til opnunar tveggja heilsugæslustöðva í Charlotte en Jordan á körfuboltaliðið Charlotte Hornets. Fyrri stöðin var opnuð 2019 en hún heitir Michael Jordan Family Medial Clinic.
