Financial Times skýrir frá þessu. Mennirnir tveir, sem voru áður forstjórar í afríska hluta ENRC, fundust látnir á sama mótelinu í Missouri í maí 2015. Þá var kveðið upp úr um að þeir hefðu látist af völdum malaríu sem hefði ráðist á heila þeirra og miðtaugakerfi.
En eftir því sem Sam Wassmer, sérfræðingur í malaríu, segir þá er líkurnar á að báðir mennirnir hafi látist af völdum malaríu á sama stað, sömu nóttin, „næstum örugglega núll“. Eini hugsanlegi möguleikinn, sem er þó gríðarlega ólíklegur, á að það gæti hafa gerst sé sama mýflugan hafi stungið þá. Bandaríska smitsjúkdómastofnunin rannsakaði blóð úr mönnunum og segir að útilokað sé að sama mýflugan hafi stungið þá báða.
Breska spillingarrannsóknarstofnunin SFO hóf rannsókn á starfsemi Afríkudeildar ENRC 2013. Hinir látnu, sem voru meðal æðstu yfirmanna fyrirtækisins í Afríku, ákváðu sjálfir að hætta störfum 2015.
Financial Times segir að ENRC hafi verið stofnað af þremur ólígörkum frá Miðasíu. Eftir að fyrirtækið var skráð á hlutabréfamarkað 2013 keypti það fjölda náma í Afríku. Spillingarrannsóknin snýr einmitt að þeim. Fljótlega eftir að rannsókn SFO hófst ákváðu ólígarkarnir að afskrá fyrirtækið af hlutabréfamarkaði og flytja höfuðstöðvar þess til Lúxemborgar. Fyrirtækið neitar öllum ásökunum um spillingu.
