Hinn átján ára gamli Zachary Latham hefur verið ákærður fyrir að drepa William Durham eldri, 51 árs gamlan nágranna sinn. Lögfræðingar fjölskyldu Durham vilja meina að Latham hafi framið verknaðinn til að öðlast frægð á samfélagsmiðlinum TikTok. Frá þessu greinir The New York Post.

Zachary Latham og Durham-fjölskyldan höfðu um mánaða skeið átt í nágrannaerjum, sem snerust fyrst og fremst um ofsaakstur Latham.

Í maí hefur svo William Durham eldri ásamt eiginkonu sinni og tveimur sonum ætlað sér að bjóða Latham birginn, sem hafi verið vopnaður, með hníf og rafmagnsbyssu. Átökin enduðu með því að Durham var stunginn og lést hann í kjölfarið.

Lögfræðingar Durham-fjölskyldunnar vilja meina að Latham og eiginkona hans, Sarah hafi platað þau í að koma til sín svo að hún gæti tekið atvikið upp fyrir TikTok.

„Eiginkona táningsins, Sarah tók þessi mannskæðu átök upp. Það var nefnilega ætlun hennar og Latham að setja myndbandið á netið svo þau gætu orðið fræg á TikTok.“ Segir í yfirlýsingu lögfræðingana.

Kallaði hana „Karen“ og birti byssumynd

Áður hafði myndband frá Latham er varðaði þessi mál vakið athygli. Hann hafði tekið upp eiginkonu William, Catherine Durham, er hún skammaði hann og hringdi á lögregluna vegna ofsaaksturs hans. Myndbandið fékk um það bil þrjár milljónir áhorfa á TikTok, en í myndbandinu kallaði Latham hana Catherine „Karen“, orð sem er notað yfir forréttindablindar hvítar konur, sem líklegar eru til þess að kvarta.

Þá á Zachary í kjölfarið að hafa birt tvær færslur sem nú hefur verið eytt. Annars vegar þegar hann segir syni Durham-fjölskyldunnar, William yngri, að hann „sé með hníf, gaur“ og hins vegar mynd af sjálfum sér með byssu þar sem að stóð „svona tæklar þú nágrannana“.

Ennþá á TikTok

Samkvæmt fjölskyldu Durham var nánast ómögulegt að kvarta til lögreglunnar yfir ofsaakstri Latham, vegna heimsfaraldursins. Í eitt skipti hafi hann farið svo yfir strikið að fjölskyldan þurfti að láta hann heyra það, en það hafi endað með dauðsfalli William Durham.

Þá hefur Durham fjölskyldan verið kærð fyrir að fara inn á einkalóð Latham í leyfisleysi, þau krefjast aftur á móti að þeim ákærum verði vísað frá.

Zachary Latham hefur verið kærður fyrir að drepa William Durham eldri, þrátt fyrir það er hann ennþá duglegur að birta myndbönd á TikTok-síðu sinni.