Árið 2011 stofnaði pizzasendillinn Ben Francis íþróttavörumerkið Gymshark. Hann var þá 19 ára og starfaði sem pizzasendill. Í byrjun var fyrirtækið til húsa í bílskúr foreldra hans í Birmingham á Englandi.

Þetta var ansi snjöll ákvörðun hjá honum því í dag er hann einn auðugasti ungi frumkvöðullinn á Bretlandseyjum. Að sögn Sky gerði hann nýlega samning sem sýnir að fyrirtæki hans er eins milljarðs punda virði.

Francis nýtti sér samfélagsmiðla óspart til að koma vörum sínum á framfæri og það bar svo sannarlega árangur. Nú starfa um 500 manns hjá fyrirtækinu og velta þess var um 250 milljónir punda á síðasta ári.