Á næstu mánuðum gæti svo farið að allt að 40 milljónir Bandaríkjamanna verði bornar út af heimilum sínum. Ástæðan er hin mikla efnahagskreppa sem fylgir heimsfaraldri kórónuveirunnar og gerir mörgum ókleift að greiða húsaleigu sína. Þá er nær öll von um aðstoð frá alríkinu úti því samningaviðræður Repúblikana og Demókrata á Bandaríkjaþingi liggja niðri þessa dagana.

The Aspen Institute telur að allt að 40 milljónir manna eigi á hættu að vera bornar út á næstu mánuðum. Telur stofnunin að það geti raskað jafnvæginu í samfélaginu um allt land. Opinberar tölur sýna að rúmlega 30 prósent leigjenda hafa enga eða litla trú á að þeir geti greitt húsaleigu í næsta mánuði.

Bambie Hayes-Brown, hjá Georgia Advancing Communities Together, segir að nú þegar sé húsnæðisvandinn orðinn að flóðbylgju.