Bandaríska dagblaðið The New York Times segir að Donald Trump hafi sett sig í samband við Robert Wood Johnson, sendiherra Bretlands í Bandaríkjunum fyrir tveimur árum og beðið hann um greiða. Greiðinn snerist um að Trump vildi fá British Open golfmótið flutt á Trump Turnberry golfvöllinn í Skotlandi.

Fleiri bandarískir fjölmiðlar hafa fengið upplýsingarnar staðfestar hjá heimildamönnum sínum. The New York Times segir að sendiherranum hafi fundist hann vera undir þrýstingi frá Trump og hafi því viðrað hugmyndina við David Mundell hjá skosku heimastjórninni.

Þegar Trump var spurður út í þetta í Hvíta húsinu á miðvikudaginn þvertók hann fyrir að hafa rætt við Robert Johnson um þetta.