Rannsóknarlögreglumenn í Oklahoma-fylki, Bandaríkjunum, fengu ábendingar um að mögulega væru að finna mannabein á svæðinu sem áður var dýragarður í eigu Joe Exotic, sem að heimildaþættirnir Tiger King fjalla um. Frá þessu greinir The New York Post.
Tökulið fyrir þættina Ghost Adventures voru í garðinum með líkhunda sem að merktu á ákveðið svæði. Tökuliðið óttaðist að um væri að ræða lík af manneskju og kallaði því til lögreglu.
Í ljós kom að líkið væri af litlu dýri, en ekki af manni.
Núverandi umsjónarmaður garðsins, Jeff Lowe, sagði að tökulið hafi verið sannfært um að þarna væri að finna mannabein.
Joe Exotic rak líkt og áður segir dýragarð á svæðinu. Þar var hann með stór kattardýr, líkt og tígrisdýr og ljón. Hann var síðan dæmdur í fangelsi fyrir að skipuleggja það að myrða dýraverndunarsinnan Carole Baskin. Auk þess fékk hann dóm fyrir að drepa fimm tígrisdýr og selja tígrishvolpa.
Áðurnefndur Lowe mun eflaust ekki sjá um garðinn mikið lengur, en hann var kærður fyrir skattsvik fyrir skömmu. Þá komst alríkisdómari að þeirri niðurstöðu á dögunum að Carole Baskin skyldi eignast garðinn sem hafði verið í eigu erkióvinar hennar, Joe Exotic.
