Yfirmenn hjá BBC voru allt annað en sáttir þegar fréttakonan Emma Vardy birti „djarft“ tónlistarmyndband þar sem hún var í aðalhlutverki. Myndbandið hafði hún gert til að safna peningum handa heilbrigðisstarfsfólki sem vinnur við umönnun COVID-19 sýktra einstaklinga.

Emma, sem er fréttaritari á Írlandi, fékk vin sinn, Aaron Adams, til að leika í myndbandinu á móti sér. Í einu atriðinu léku þau atriði úr myndbandi við lagi Queen, I Want To Break Free“. Þar þóttist Emma stunda kynlíf með Aaron á meðan hann hreyfði varirnar í takt við lagið.

The Sun skýrir frá þessu. Fram kemur að skötuhjúin hafi birt myndbandið á Twitter.

En þetta fór fyrir brjóstið á yfirmönnum BBC sem sögðu Emmu að fjarlægja myndbandið þrátt fyrir að þeir hafi áttað sig á að um grín og gott málefni væri að ræða.

Hún varð við kröfu þeirra.