Jeremy Diamond, fréttamaður CNN, brást við þessu með því að spyrja Trump af hverju hann notaði þessa fréttamannafundi til að hrósa sjálfum sér þegar tugir þúsunda Bandaríkjamanna hefðu látist af völdum veirunnar og milljónir hefðu misst vinnuna.
„Er þetta virkilega rétti tíminn til að hrósa sjálfum sér?“
Spurði Diamond.
Trump var ekki sáttur við þessa gagnrýni og sagðist „verja konur og karla sem hafa staðið sig svo frábærlega“.
Síðan bætti hann við:
„Ekkert snýst um mig.“
Sagði hann og bætti við að Diamond væri verr gefinn nú en þegar hann fæddist.
