Nú er hún að gefa út bókina „Simply Verona“ þar sem hún segir frá ævi sinni, upp- og niðurtúrum.
Fram kemur að foreldrar hennar hafi stutt dyggilega við bakið á henni og allt virtist í blóma þegar hún var að undirbúa sig fyrir Ólympíuleikana 2004. Þau sáu um fjármál hennar og samningagerð. Í miðjum undirbúningnum komst Verona að því að faðir hennar hafði eytt sem svarar til um 800.000 íslenskum krónum af hennar peningum í spilavítum í Las Vegas. Þau náðu sáttum vegna þessa en þegar Verona ákvað að hætta íþróttaiðkun árið 2008 kom í ljós að staða hennar var allt annað en góð. Allir peningarnir hennar voru horfnir. Hún stefndi því foreldrum sínum fyrir dóm.
„Ég veit ekki hverjir foreldrar mínir eru. Ef maður lítur til baka á fimleikana og allan þennan þrýsting. Var þetta gert fyrir dóttur þeirra eða bankareikninginn þeirra? Manni finnst maður hafa verið misnotaður.“
Sagði hún í samtali við The Sun.
Hún vann málið fyrir dómi og fékk sem svarar til um 14 milljóna íslenskra króna frá foreldrum sínum en þau hefur hún ekki talað við né séð í 10 ár.
En áður en hún fékk peningana átti hún ekki grænan eyri. Hún bjó því í bíl í tvö ár og stal mat úr stórmörkuðum. Hún reyndi einnig að kúga fé út úr konu sem hún vissi að væri að halda framhjá maka sínum.
„Ég er ekki stolt af þessu. Ég hefði ekki trúað að ég myndi gera svona. Fjárkúgunin gerðist bara. Þau gengu fyrir framan mig og ég tók mynd. Ég bar þetta upp á konuna sem spurði hvort ég vildi peninga frá henni og ég sagði já.“
En hún fékk enga peninga því konan tilkynnti málið til lögreglunnar og Verona lenti í fangelsi fyrir vikið.
Þegar hún losnaði úr fangelsi var haft samband við hana frá klámfyrirtæki og féllst hún á leika í klámmyndum ásamt unnusta sínum. Næstu átta árin léku þau í klámmyndum og höfðu góðar tekjur.
„Klámiðnaðurinn var ekki val heldur frekar tækifæri fyrir mig. Ég kom úr miklu verri aðstæðum svo þetta var stórt skref. Þetta var ekki eitthvað sem ég ætlaði mér þegar ég var barn en nú er mér alveg sama.“
Hún byrjaði með að gera eitt og annað fyrir framan vefmyndavélar en síðan fór hún að gera myndir með unnustanum sem hafði búið á götunni með henni.
„Hann er myndatökumaðurinn og leikarinn minn. Það var mikill léttir fyrir mig því annars hefði ég ekki getað unnið í þessum geira. Við bjuggum bæði á götunni og höfum gengið í gegnum það sama. Ég naut vinnunnar. Ég horfi til baka á átta góð ár.“
Hún vann fimm EM titla, fékk silfur á HM og sigraði á þremur World Cups.
