Í samtali við CNN sagði hún að Joe hafi verið ástríkur og góður eiginmaður sem hafi skrifað henni ástarbréf á hverjum morgni og sett í nestisboxið.
„Hann hugsaði alltaf um mig, náði í kaffi fyrir mig og hjálpaði mér á allan hátt.“
Maura sagði að vegna reglna um einangrun og að fólk verði að halda ákveðinni fjarlægð þegar COVID-19 smit er staðfest hafi hún ekki getað verið hjá honum á banastundinni á sjúkrahúsinu. Allt þetta valdi því að þetta sé svolítið óraunverulegt í hennar huga.
„Einmitt núna, að hitta engan, þá er þetta stundum eins og hann sé í vinnunni.“
Sagði hún.
Joe var aðstoðarskólastjóri í menntaskóla á Long Island og þjálfari körfuboltaliðs skólans.
Hann var ekki með neina undirliggjandi sjúkdóma þegar hann varð veirunni að bráð. Í upphafi var um mild einkenni að ræða og lágan hita. En skyndilega hækkaði hitinn mikið og hann átti erfitt með að anda. Maura sagði að síðustu daga Joe hafi þau nánast verið á Facetima allan sólarhringinn, hún hafi reynt að róa hann og koma í veg fyrir að honum fyndist hann vera einmana.
Læknar reyndu allt sem þeir gátu til að bjarga lífi hans en það tókst ekki. Maura fékk þá til að tengja FaceTime þegar þeir tilkynntu henni að líf Joe væri að fjara út.
„Ég þakkaði honum fyrir að vera frábær eiginmaður, fyrir að elska mig dag hvern.“
Síðan sagði læknirinn henni að hjarta Joe væri hætt að slá.
„Ég lék brúðkaupslagið okkar fyrir hann. Síðan var þessu lokið.“
Sagði Maura sem stendur eftir sem ekkja með þrjú börn.
