Þrír menn voru nýlega dæmdir í 125 ára fangelsi hver vegna dauða hins þriggja ára Alan Kurdi 2015. Margir muna eflaust eftir myndum af líki Kurdi þar sem það lá á grúfu á sandströnd í Bodrum í Tyrklandi en þangað rak líkið. Myndin varð táknmynd þeirra hörmunga sem flóttafólk gekk í gegnum á þessum tíma.

Þremenningarnir voru höfuðpaurarnir í glæpahring sem smyglaði fólki frá Tyrklandi til Evrópu. Þeir voru handteknir í byrjun síðustu viku af tyrkneskum öryggissveitum og dæmdir á föstudaginn. Þeir voru sakfelldir fyrir að hafa orðið Kurdi að bana af ásettu ráði.

Lík Kurdi rak á land eftir að bátur, fullur af flóttafólki, sökk undan strönd Bodrum.