Samkvæmt frétt South China Morning Post hafa margir fyrrum sjúklingar glímt við fylgikvilla þrátt fyrir að hafa náð sér af smitinu.
Það reynir mikið á lungu þeirra sem smitast af veirunni miðað við rannsókn læknanna. Sumir sjúklinganna eiga erfitt með andardrátt þegar þeir ganga rösklega en enn er unnið að rannsóknum á öðrum til að komast að hversu mikil virkni lungnanna er. Talið er að virkni lungna sumra sjúklinga dragist saman um 20 til 30 prósent.
Owen Tsang Tak-yin, læknir á smitsjúkdómadeild Princess Margaret sjúkrahússins í Kwai Chung, sagði að lungnamyndir af níu sjúklingum bendi til að þeir hafi allir orðið fyrir tjóni á lungum. Ekki er þó enn hægt að segja til um hvort tjónið sé svo mikið að það muni valda krónísku ástandi.
