Lee var sakfelldur morðið á Debru Reese árið 1993 og hélt hann staðfestlega fram sakleysi sínu allt þar til hann var tekinn af lífi árið 2017. Bandarísku borgararéttindasamtökin, ACLU og Sakleysisverkefnið (e. Innocence Project) hafa haft mál Lee til skoðunnar að undanförnu.
Áður en Lee var tekinn af lífi fóru verjendur hans fram á að gerðar yrðu frekari DNA-rannsóknir. Þeim beiðnum var ítrekað hafnað en nú hafa yfirvöld í Arkansas samþykkt að veita aðgang að rannsóknargögnunum, þar á meðal DNA-sýnum.
Ljóst er að margt var ábótavant við rannsókn málsins. Einstaklingar sem báru vitni á sínum tíma þóttu gefa misvísandi vitnisburð og þá segja réttarmeinafræðingar að gögn í málinu hafi verið mistúlkuð af sérfræðingum á sínum tíma. Þá viðurkenndi verjandi Lee í málinu árið 1993 að hann hafi glímt við eiturlyfjafíkn.
Það sem mestu máli skiptir, að mati stuðningsmanna Lee, er að engin bein sönnunargögn tengdu hann við glæpinn sem hann var tekinn af lífi fyrir. Vonast er til þess að niðurstaða fáist í DNA-rannsóknina áður en langt um líður
