Tvær systur hafa verið ákærðar af saksóknara í Chicago fyrir morðtilraun. Þær réðust á öryggisvörð í verslun og stungu hann 27 sinnum þegar hann bað þær að nota andlitsgrímur í versluninni og handspritt.

Samkvæmt frétt CNN þá kom til orðaskipta á milli systranna, sem heita Jessica og Jayla Hill og eru 21 og 18 ára, og hins 32 ára gamla öryggisvarðar. Jessica dró síðan upp hníf og stakk öryggisvörðinn í bakið, háls og handleggi, alls 27 sinnum. Jayla hélt manninum niðrið á meðan með því að halda í hár hans.

Lögreglan segir að ástand öryggisvarðarins sé stöðugt.

Systurnar hafa verið úrskurðaðar í gæsluvarðhald og geta ekki fengið lausn gegn greiðslu tryggingar.