TV2 skýrir frá þessu. Segir miðillinn að útsendarar íranskra stjórnvalda séu það sem leyniþjónustan hefur mestar áhyggjur af í dag.
Norðmaðurinn, sem um ræðir, er innfæddur Norðmaður sem hefur verið virkur í starfi samtaka sem eru hliðholl Ísrael. Í samtali við TV2 sagðist hann hafa fengið símtal frá leyniþjónustunni fyrir tæplega fjórum árum þar sem honum var tilkynnt að leyniþjónustan þyrfti að ræða við hann. Síðan hafi leyniþjónustumenn komið heim til hans. Það hafi ekki verið fyrr en nokkrum mánuðum síðar sem hann fékk að vita að Íranir hafi verið á eftir honum. Hann vill ekki koma fram undir nafni vegna fjölskyldu sinnar.
„Það er eitt hvað fólk í Noregi segir og hótar manni, eins og ég hef upplifað. En hér var um eina hættulegustu leyniþjónustu heims að ræða.“
Segir maðurinn.
Íraninn var í Quad-sveitunum, úrvalsliði Íranska byltingavarðarins, þeirri deild sem sér um leynilegar aðgerðir. Qassem Soleimani stýrði sveitunum þar til hann var ráðinn af dögum af Bandaríkjamönnum fyrr í mánuðinum.
TV2 segir að norska leyniþjónustan hafi allan tíman haft fulla stjórn á málinu og hafi vakað yfir hverju fótmáli Íranans þar til hann var gripinn í garðinum við hús fyrrnefnds Norðmanns.
Norðmaðurinn sagði að hugsanlega hafi Íraninn átt að sinna upplýsingaöflun eða hræða Norðmenn og fá þá til að láta af stuðningi við málstað sem er Íran ekki þóknanlegur. Í versta falli hafi átt að ráða sig af dögum til að fjarlæga rödd sem er vinveitt Ísrael.
Talsmaður leyniþjónustunnar staðfesti að þetta hefði gerst en vildi ekki tjá sig frekar um málið.
