Politiken skýrir frá þessu. Blaðið segir að þetta komi fra í nýrri skýrslu. Hún er byggð á könnun sem var gerð meðal 3.022 ungmenna á aldrinum 15 til 25 ára. Þrjú prósent þeirra sögðust hafa notað kókaín undanfarinn mánuð en það svarar til 24.600 manns á landvísu. 2014 var hlutfallið 1,6 prósent.
Mads Uffe Pedersen, prófessor við rannsóknarmiðstöð í vímuefnamálum við Árósaháskóla, segir þetta mikið áhyggjuefni en komi ekki á óvart því kókaín sé algengasta harða fíkniefnið meðal ungs fólks og sé oft notað þegar fólk er úti að skemmta sér.
Hann segir þó koma á óvart að fleiri grunnskólanemar og fólk í löngu námi sé farið að nota kókaín. Áður fyrr hafi það aðallega verið ungmenni sem áttu á brattann að sækja félagslega og voru í stuttu námi sem notuðu fíkniefni. Þannig sé það ekki lengur því ungmenni úr öðrum þjóðfélagshópum séu að ná þeim.
