Fyrrum liðsmaður í landgönguliði bandaríska flotans virðist vera í fararbroddi fyrir hóp fólks sem reynir að fá yfirvöld í Norður-Karólínu til að aflétta lokun samfélagsins vegna heimsfaraldurs kórónuveiru. Hann segir að fólkið sé reiðubúið til að grípa til vopna og drepa fólk til að þvinga yfirvöld til að aflétta þeim hömlum og lokunum sem hefur verið gripið til.

„Við erum tilbúin til að beita vopnum og drepa fólki til að ná þessu markmiði. Erum við reiðubúin til að drepa fólk? Erum við reiðubúin til að fórna lífinu? Við neyðumst til að segja já.“

Segir Adam Smith í myndbandi sem hann birti á Facebook. Hann segir fyrirmæli um lokun samfélagsins vera „próf“ sem eigi að sýna hvort Bandaríkjamenn séu tilbúnir til að sætta sig við nýja heimsskipan. WFEA útvarpsstöðin skýrir frá þessu.

„Við tökum okkur vopn í hönd. Það er kominn tími til að berjast gegn þessu. Þegar upp verður staðið er það eina sem tryggir frelsi okkar viljinn til að berjast. Ef þið komið með vopn, þá komum við með vopn. Ef þið eruð vopnuð þá erum við einnig vopnuð.“

Segir hann einnig í myndbandinu.

Smith birti myndbandið á Facebook og eiginkona hans deildi því á ReOpenNC hópnum á Facebook sem er lokaður hópur.