Kona hefur verið ákærð fyrir morð á ónafngreindri konu, eftir að tvær ferðatöskur er geymdu líkamsleifar fundust í Gloucestershire-héraði á Bretlandi. The Independent greinir frá þessu.

Hin 27 ára Gareeca Conita Gordon, er sögð hafa myrt konuna á milli daganna 14 apríl og 12 maí, á heimili sínu í Birmingham.

Gordon kom fram netleiðis í réttarsal í vikunni, þar sem að hún tilkynnti um nafn sitt, heimilisfang, aldur og þjóðerni. Hún var sett í gæsluvarðhald þangað til að réttarhöld munu fara fram þann nítjánda maí.

Lögregla fann umræddar ferðatöskur seinasta þriðjudag, í skógi nálægt borginni Coleford eftir ábendingar um grunsamlegar bílferðir.

Lögreglan hefur haldið því fram að dánarorsök sé óskýr, en að frekari rannsóknir muni eiga sér stað.