Á þriðjudaginn hófust réttarhöld í Helsingør í Danmörku í morðmáli. Fimmtugur maður er ákærður fyrir að hafa skotið Lars Halvor Hermansen, 52 ára, til bana í september 2018 og að hafa síðan grafið lík hans undir sólpalli á sveitabæ. Maðurinn er auk þess ákærður fyrir vörslu að minnsta kosti 16 kílóa af amfetamíni. Reiknað er með að málflutningi ljúki í næstu viku og að dómur verði kveðinn upp 20. mars.

Maðurinn er ákærður fyrir að hafa skotið Lars Halvor Hermansen með haglabyssu og að hafa síðan grafið líkið undir sólpalli. Hann er sakaður um að hafa sett líkið í tóma vatnsgryfju undir sólpallinum, þar vafði hann það inn í plast. Síðan setti hann dýnu ofan á og því næst jarðveg og á endanum hellti hann steypu ofan á.

Lögreglan fann líkið þó í lok október 2018. Hinn ákærði var handtekinn tíu dögum áður en líkið fannst og úrskurðaður i gæsluvarðhald. Lögreglan fann haglabyssu á landareigninni og telur að það sé vopnið sem Hermansen var banað með. Talið er að deilur mannanna um amfetamín hafi verið ástæða morðsins.