Alræðisstjórnin í Kína passar vel upp á landsmenn og hefur stíft eftirlit með þeim. Nú er enn verið að herða eftirlitið því frá og með 1. desember þurfa nýir farsímanotendur að láta skanna andlit sín þegar þeir kaupa sér símaáskrift. Þetta er gert að kröfu yfirvalda á sviði upplýsingatækni.

Tilkynnt var um þessar hertu kröfur í september. Þá kom fram að símafyrirtæki eigi að nota „gervigreind og aðra tækni“ til að staðfesta persónuupplýsingar fólks þegar það fær nýtt símanúmer. Einnig kom þá fram að næsta skref verið að auka eftirlitið enn frekar til að tryggja að fólk skrái rétt nöfn þegar það kaupir sér símanúmer.

Áður höfðu yfirvöld sett reglur um að tengja þurfi persónuskilríki við símanúmer. Fyrrnefnd tækni með að skanna andlit er nú þegar notuð víða um landið, allt frá því að vera notuð í stórmörkuðum til beins eftirlits stjórnvalda með borgurunum.