Allt fór þetta af stað þegar starfsfólk líknardeildarinnar birti færslu á Twitter þar sem sagði:
„Getur þú hjálpað? Við erum með sjúkling sem er MIKILL #Star Wars aðdáandi. Því miður er tíminn ekki með honum fram til 20. desember. Hann á sér þá ósk að sjá nýjustu Star Wars myndina #RiseOfSkywalker með ungum syni sínum. Ef þú þekkir EINHVERN sem gæti látið þessa ósk rætast deildu þessu vinsamlegast með þeim. Takk.“
Can you help? We have a patient who's a HUGE #StarWars fan. Sadly, time is not on his side for the 20th Dec. His wish is to see the final Star Wars film #RiseOfSkywalker with his young son. If you know ANYBODY who might be able to make it happen, please share with them. Thank you
— Rowans Hospice (@RowansHospice) November 26, 2019
Færslunni var mikið deilt af öðrum aðdáendum Star Wars og að lokum náði þetta til Robert Iger, forstjóra Walt Disney Company sem framleiðir myndina.
„Vinsamlegast sendið mér nauðsynlegar upplýsingar og við skulum svo sannarlega reyna.“
Skrifaði hann á Twitter og síðan staðfesti hann að maðurinn myndi fá ósk sína uppfyllta.
Á miðvikudag í síðustu viku mætti starfsmaður Walt Disney, Jonathan, á líknardeildina með fartölvu sem innihélt Star Wars: The Rise Of Skywalker.
Áður en maðurinn fékk að horfa á myndina varð hann að skrifa undir loforð um að hann myndi ekki segja neinum frá innihaldi hennar og eftir því sem segir í fréttatilkynningu frá líknardeildinni skrifaði hann glaður undir yfirlýsinguna.
„Ég vil bara þakka öllum hjartanlega sem hjálpuðu til við að láta þetta rætast.“
Er haft eftir manninum í fréttatilkynningunni.
On this Thanksgiving, we at @Disney are grateful to be able to share #TheRiseOfSkywalker with a patient and his family @RowansHospice. May the force be with you and with us all!
— Robert Iger (@RobertIger) November 28, 2019
