Andrew prins, sonur Elísabetar Bretadrottningar, hefur verið mikið í kastljósi fjölmiðla að undanförnu vegna alvarlegra ásakana á hendur honum um tengsl hans við barnaníðinginn Jeffrey Epstein og meinta kynferðisbrota gegn barnungum stúlkum. Andrew hefur nú verið settur til hliðar og dreginn út úr öllum verkefnum hirðarinnar. En í síðustu viku reið annað áfall yfir konungsfjölskylduna en þó ekki tengt Andrew.

Þetta mál er þó ekki eins alvarlegt og mál Andrew en hefur samt sem áður ratað á forsíður breskra blaða. Það er hin 29 ára Lady Tatiana Mountbatten, frænka Elísabetar sem er vandræðagemsinn að þessu sinni.

Hún var nýlega svipt ökuréttindum eftir að hafa verið staðin að of hröðum akstri þrisvar sinnum á 10 dögum.

Hún var sektuð um sem svarar til um 100.000 íslenskra króna fyrir brotin og svipt ökuréttindum. Hún reyndi að sannfæra dómarann um að líf hennar yrði mjög erfitt án ökuréttinda en það hafði engin áhrif á hann og var hún því svipt ökuréttindum.