Það er þó ekki að sjá að málin tengist en mörg hundruð kílómetrar eru á milli staðanna sem þær hurfu frá. Wilma hvarf í Uddevalla norðan við Gautaborg en Emilie í Tollarp á Skáni þar sem hún býr.
Emilie sást yfirgefa íbúð sína föstudaginn 22. nóvember með dularfullri manneskju. Eftir það er ekkert vitað um ferðir hennar.
Lögreglan gaf í síðustu viku upp alla von um að finna Wilma á lífi eftir að líkamshluti, sem er talinn vera af henni, fannst. 22 ára unnusti hennar situr nú í gæsluvarðhaldi grunaður um að hafa myrt hana. Hann neitar sök.
Lögreglan óttast um afdrif Emilie. Nágranni hennar sá hana yfirgefa heimili sitt með ókunnugri manneskju. Nágranninn segist hafa tekið sérstaklega eftir að Emilie var mjög illa klædd, hafi verið í hnjásíðum buxum. Um klukkan 11 þennan sama dag sendi Emilie smáskilaboð til frænku sinnar en þegar frænkan hringdi í hana var slökkt á farsíma hennar.
„Emilie slekkur aldrei á farsímanum sínum.“
Sagði frænkan í samtali við Kristianstadsbladet.
Síminn var staðsettur út frá sendum símafyrirtækja og reyndist síðast hafa verið nærri ánni Vramsån. Þar er lögreglan nú að störfum og hefur stórt svæði verið girt af.
Uppfært 03.12.2019 klukkan 21.00
Lögreglan hefur nú fundið lík Emilie. Það fannst í vatni og grunar lögregluna að hún hafi verið myrt.
