Nýlega skrifaði hinn danski Sonnich Brinch Morgenstern færslu á Facebook og birt með mynd af tveimur eplum. Annað er hálfétið en hitt er ósnert. Eplin hafði vinkona hans Mette Hofsted ætlað að  gleðja fugla og önnur dýr í garðinum sínum með. Hún setti epli af tegundinni Pink Lady út í garð. En eftir viku sá hún að ekki hafði verið litið við eplinu.

Í samtali við TV2 sagðist Mette hafa farið út og skoðað eplið en ekki séð neitt að því. Hún tók einnig fram að eplið hafi verið komið fram yfir síðasta söludag þegar hún keypti það. Nokkrum dögum síðar keypti hún epli hjá bónda sem ræktar lífræn epli.  Hún setti eitt út og um leið köstuðu fuglarnir sér á það og hámuðu í sig.

„Þetta er mikið umhugsunarefni.“

Skrifaði Sonnick í færslu sinni en færslan hefur vakið mikla athygli. Þar veltir hann því upp hvort það geti verið að fuglar og önnur dýr láti Pink Lady eplið eiga sig því það hefur verið sprautað með skordýraeitrið og meðhöndlað á ýmsan annan hátt á meðan hitt eplið hefur ekki fengið neina meðhöndlun.

Morten D.D. Hansen, líffræðingur, sagði erfitt að segja til um af hverju fuglarnir hafa ekki étið meðhöndlaða eplið, ekki hafi enn verið sýnt fram á hvað fuglar vilja éta eða ekki éta. Hann játaði að hafa sjálfur upplifað þetta sama. Sum epli hafi legið ósnert í garðinum hjá honum mánuðum saman.