Á undanförnum dögum hafa tveir látist í Västerbotten í Svíþjóð eftir að hafa notað óþekkt eiturlyf. Margir liggja á sjúkrahúsi eftir að hafa notað efnið. Talsmaður lögreglunnar á svæðinu segir að óvenjulegt sé að svona mikið sé um mál tengd eiturlyfjum þar.

Hin látnu tóku of stóran skammt af efninu sem enn er ekki vitað hvað er. Lögreglan segir að fimm til viðbótar liggi þungt haldnir á sjúkrahúsi. Lögreglan óttast að fleiri muni veikjast og jafnvel látast af völdum efnisins.

Lögreglan segist ekki hafa hugmynd um hvaða efni fólkið notaði þrátt fyrir að hafa lagt hald á efni sem talið er að gæti hafa komið við sögu.