Nú stendur hins vegar til að láta vélina leggja land undir fót á ný. Boeing 737 Max flugvélarnar munu líklegast vera komnar aftur í loftið í janúar næstkomandi. American Airlines tilkynntu það á miðvikudaginn að hugbúnaðaruppfærslulausnir fyrir flugvélina ættu að vera samþykktar í lok árs og þá ættu vélarnar að geta hafið flug á ný. Það er ABC News sem greinir frá þessu.
Samkvæmt CNBC þá ætti engin Boeing 737 Max vél að fljúga yfir Bandaríkin fyrr en þann 16. janúar árið 2020. Þrátt fyrir það greinir Reuters frá því að United Airlines hafi bara kyrrsett vélarnar fram að 19. desember á þessu ári en Southwest Airlines kyrrsettu vélarnar fram að 5. janúar árið 2020.
Eftirlitsmenn frá flugmálastjórn Bandaríkjanna eiga þó eftir að tilkynna um það hvenær bandarískum flugfélögum verður leyft að fljúga Boeing 737 Max vélunum aftur. Þó svo að málið virðist vera við það að leysast í Bandaríkjunum þá eru eftirlitsmenn í öðrum löndum ekki jafn sannfærðir um ágæti vélarinnar svo ekki er víst hvort vélin muni fljúga aftur um allan heiminn í bráð.
