Í síðustu viku varð sá skelfilegi atburður í Khao Yai þjóðgarðinum í Taílandi að sex fílar drápust á svæði sem hefur verið nefnt „Hyldýpi helvítis“. Um fimm fullorðna fíla var að ræða sem höfðu reynt að koma þeim sjötta, unga, til bjargar.

BBC skýrir frá þessu. Fram kemur að fílarnir hafi fundist við „Hyldýpi helvítis“ en það er foss. Einnig fundust tveir fullorðnir fílar til viðbótar sem höfðu reynt að koma hinum til bjargar. Þeir voru „strand“ nærri fossinum en þjóðgarðsstarfsmenn náðu að bjarga þeim.

Óttast er að fílarnir tveir geti átt erfitt með að lifa af. Þeir hafi verið hluti af stærri hóp og muni nú eiga erfitt með að vernda sig og finna fæðu þar sem þeir hafi misst stærsta hluta fjölskyldu sinnar.