Á hverju ári finna vísindamenn nýjar tegundir dýra eða planta. Hvað varðar dýrin er oftast um skordýrategundir að ræða en það gerist einnig öðru hvoru að stærri dýr uppgötvast. Það gerðist einmitt nýlega þegar bandarískir vísindamenn fundu nýja krókódílategund í Nýju-Gíneu.

Þar hefur krókódílategundin Crocodylus novaeguineae (Nýju-Gíneu krókódíll) lengi verið þekkt. Árum saman hafa vísindamenn þó talið að um tvær tegundir væri að ræða og nú hafa þeir fengið það staðfest.

Um tvær tegundir er að ræða, önnur býr í norðri og hin í suðri. Það er tegundin í suðri sem telst vera ný tegund og hefur hún fengið nafnið Crocodylus halli.

Tilvist tegundarinnar var staðfest með umfangsmiklum DNA-rannsóknum og rannsóknum á höfuðkúpum en smá munur er á byggingu þeirra.