Það er tilvalið að bjóða þínum nánustu í páskabröns og njóta þess að eiga góð stund saman. Ekki er verra að grípa í spil, fela marglit páskaegg í garðinum eða búa til heimagert bingó eftir matinn.
Páskabomba sem bragð er af
150 g smjörlíki
1 bolli sykur
4 egg
2 bollar hveiti
1 tsk. lyftiduft
1/2 tsk. salt
1 tsk. matarsódi
2 tsk. vanilludropar
1 bolli mjólk
3 msk. kakó
Smjörkrem
250 g smjörlíki
300 g flórsykur
2 tsk. vanilludropar
KitKat kanínur (keyptar í Nettó) til skreytingar
Aðferð:
Byrjið á að hita ofninn í 180 gráður.
Blandið saman öllum þurrefnum í skál og hrærið varlega saman.
Bræðið smjörlíki og látið kólna. Næst blandast eggin, mjólkin, vanilludroparnir og smjörlíkið saman við og allt hrært vel saman.
Hellið blöndunni í tvö vel smurð hringlaga form. Bakið í um 30 mínútur, gott er að stinga prjóni í miðjuna til að kanna hvort kakan sé tilbúin, prjónninn á að koma þurr út.
Leyfið botnunum að kólna vel áður en kremið er sett á kökuna.
Smjörkremið er einfalt að gera en þið hrærið saman mjúku smjörlíki, flórsykri og vanilludropum og hafið á góðum hraða á hrærivélinni, því lengur sem kremið er hrært því hvítara verður það.
Smyrjið kreminu á kökuna og skreytið með páskakanínum úr súkkulaði, lifandi blómum eða því sem ykkur finnst eiga vel við.
