„Þessar fersku og góðu bláberjamuffins eru alltaf góðar, einfaldar í framkvæmd og smakkast alltaf vel. Mér finnst mjög þægilegt að baka þær í miklu magni og eiga í frysti þegar sumarnámskeiðin fara að byrja hjá dætrum mínum og það flýtir fyrir á morgnana að geta gripið í tilbúið, gott og heimagert nesti,“  segir Una Guðmunds matgæðingur DV og bloggari á Unabakstur.is 

250 g hveiti
300 g sykur
3 tsk. lyftiduft
1½ tsk. vanilludropar
½ tsk. salt
4 egg
100 g smjör, mjúkt
2½ dl mjólk
Fersk bláber

Hitið ofninn í 180 gráður. Blandið saman hveiti, sykri, salti, lyftidufti, smjöri, mjólk og vanilludropum og þeytið í hrærivél í nokkrar mínútur.
Bætið eggjunum í og þeytið saman við. Setjið fersk bláber ofan á hverja muffinsköku, 3-4 stykki.
Setjið í pappaform og bakið í um 15 mínútur.