Beyglur og bubblur er nýtt kaffihús í Listasafni Íslands. Að verkefninu standa tvö pör og miklir fagurkerar sem eiga það sameiginlegt að elska góðan og fallega fram settan mat – en það eru þau Jón Haukur Baldvinsson, Kolbrún Pálína Helgadóttir, Jóel Salómon Hjálmarsson og María Fortescue. Jóel rak meðal annars Hakkasan í Doha í Katar og Jón Haukur, Jamie Oliver á íslandi en saman reka þeir veitingastaðinn Níu á Hótel Íslandi í dag. Félagarnir sáu sér leik á borði þegar veitingastaðurinn lokaði í Coved ástandinu til þess að nýta tímann í að skapa annað ævintýri. „Við munum öll leggja hönd á plóg á Kaffi List og samnýta alla reynsluna okkar hvort sem kemur að rekstri, kynningarmálum, bakstri eða öðru stuði,“ segir Kolbrún Pálína.

Tvö ár eru síðan kaffihús var síðast starfrækt í húsinu og ætla fjórmenningarnir sér því að láta hjartað slá á ný með bæði góðum mat og ýmsum uppákomum. Einnig verður stefnt að því að opna útisvæði með veitingasölu á góðviðrisdögum í sumar. „Við erum einstaklega spennt að takast á við þetta verkefni en við höfum sett saman skemmtilegan matseðil undir nafninu bubbl ur og beyglur sem okkur fannst passa þessu listræna umhverfi mjög vel. Um er að ræða nýbakaðar beyglur með fjölbreyttu áleggi og mikið úrval freyði- og kampavíns. Einnig verður hægt að fá kökur, kaffi og ýmislegt fleira,“  segir Kolbrún Pálína um stefnu staðarins.

Kolbrún Pálína hefur gert garðinn frægan sem blaðakona, ritstjóri, fyrirsæta og einn aðstanda þáttana Ást sem sýndur var í Sjónvarpi Símans á síðasta ári svo fátt eitt sé nefnt. Kolla og sambýlismaður hennar Jón Haukur eru vel tengd og vinamörg líkt og Jóel og María svo nokkuð ljóst þykir að staðurinn verður vinsæll hjá fræga fólkinu.

https://www.instagram.com/p/CADJ2sDn73T/