DV deilir hér með lesendum sínum grunnuppskrift af smákökudeigi þar sem hægt er að bæta næstum hverju sem er útí. Deigið gefur þér dásamlega ljúffengar, mjúkar og tyggjanlegar smákökur með mjúkri karamellulegri miðju og stökkum endum.
Blaut efni í sér skál:
226 gr bráðið smjör (við stofuhita)
170 gr sykur
280 gr púðursykur
2 stór egg
2 tsk vanilludropar
Blanda
Þurrefni í sér skál:
355 gr hveiti
1 tsk salt
1 tsk matarsódi
Blanda
Næst seturðu þurrefnin út í blautefnin og hrærir. Þá er orðið til fullkomið grunndeig fyrir hvers konar smákökur sem hugur þinn girnist.
Gemma Stafford sem heldur úti youtube síðunni Bigger Bolder Baking, deilir hér með okkur hvernig á að búa til grunndeig fyrir næstum því hvaða smáköku sem er.
Gemma mælir með því að kæla fyrst deigið í ísskápnum og leyfa því að stirðna áður en því er skipt niður í hluta. Hægt er að geyma deigið í ísskápnum í allt að 7 daga. Einnig má frysta það og geyma enn lengur.
Stærðin á smákökunum á að vera um ¼ bolli eða um 70-85 grömm sem jafngildir um 10-12 smákökum.
Þegar þú ert búin að skipta niður deiginu í 10-12 deighluta þá er komið að því að gera smáköku drauma þinna.
Í myndbandinu er Gemma með smákökubar þar sem hún hefur safnað saman innihaldsefnum til þess að bæta út í hvern deighluta fyrir sig. Hún er með súkkulaðidropa, rjómakaramellu, sjávarsalt, hnetusmjör, hnetur, sykurpúða, haframjöl og ýmislegt fleira. Þá velur hún saman ýmist góðgæti og setur á hvern deighluta fyrir sig og blandar vel.
Þegar þú hefur sett saman draumasmákökuna þína er komið að því að baka. Hafðu í huga að deigið breiðir úr sér svo ekki setja of margar á hverja ofnplötu.
Kökurnar eru bakaðar við 185°C í m 10-12 mínútur.
Hvað dettur þér í hug að segja í þína smáköku?
