fbpx
Sunnudagur 05.júlí 2020
Matur

Sjáið hvernig á að búa til hina fullkomnu rjómabollu

Lilja Katrín Gunnarsdóttir
Mánudaginn 24. febrúar 2020 11:00

Ekki missa af Helstu tíðindum dagsins í pósthólfið þitt

Lesa nánar

DV fer hamförum í rjómabollum og hitar rækilega upp fyrir einn besta dag ársins – sjálfan bolludaginn.

Bestu vatnsdeigsbollurnar

Hráefni:

220 g smjör
2 bollar vatn
1/2 tsk. salt
2 bollar hveiti
6–8 egg

Aðferð:

Hitið ofninn í 200°C á undir- og yfirhita. Setjið smjör og vatn í pott og bræðið yfir meðalhita. Náið upp suðu. Slökkvið síðan á hellunni og blandið hveiti og salt rösklega saman við þar til blandan hættir að festast við pottinn. Skellið í hrærivélaskál og kælið þar til hættir að rjúka úr deiginu þegar það er snert. Pískið eggin, byrjið á sex eggjum ef þau eru mjög stór. Hafið hrærivélina í gangi og blandið eggjunum smátt og smátt saman við. Passið að hræra vel á milli til að sjá þykktina á deiginu. Það á að vera frekar stíft og glansandi. Sprautið bollum á smjörpappírsklædda ofnplötu eða notið skeið til að móta bollurnar. Bakið í 25 til 30 mínútur og alls ekki opna ofninn fyrr en eftir 20 mínútur svo bollurnar falli ekki. Hér fylgja með þrjár hugmyndir að fyllingum.

Bingó! Lakkrís og kókos.

Lakkrís og kókos

Bræðið saman nokkrar bingókúlur og dreitil af rjóma. Fyllið bolluna með rjóma, 1/3 af kókosbollu og lakkrískurli. Lokið bollunni og hellið bingókúlusósunni yfir.

Fyrir nautnaseggi Karamella og salthnetur.

Salthnetur og karamella

Sprautið karamellusósu í botninn og rjóma ofan á. Skerið niður Twix og setjið ofan á rjómann. Lokið bollunni. Blandið saman mjólk, flórsykri og karamellusósu þar til þykkur karamelluglassúr verður til. Hellið ofan á bolluna.

Súrt og sætt Sítróna og jarðarber.

Sítróna og jarðarber

Hrærið Royal-búðing með sítrónubragði saman við 1/4 lítra mjólk og 1/4 lítra rjóma. Látið stífna. Fyllið bolluna með búðingnum og jarðarberjum. Dustið flórsykri ofan á.

Mycket bra Semlan klikkar ekki. Mynd: Wikipedia Commons

Sænska Semlan

Hráefni:

2 tsk. þurrger
1/2 bolli volgt vatn
1/3 bolli + 1/2 tsk. sykur
1/2 bolli volg mjólk
75 g brætt smjör
1 tsk. salt
1 egg, þeytt
1 tsk. kardimomma
4 bollar hveiti

Eggjabað – Hráefni:

1 eggjarauða
1 msk. rjómi

Fylling – Hráefni:

1 eggjahvíta
1/2 bolli malaðar möndlur
3/4 bolli flórsykur

Aðferð:

Blandið vatni, geri og 1/2 tsk. af sykri saman í skál. Leyfið að blómstra í nokkrar mínútur. Bætið mjólk, smjöri og eggi saman við. Bætið síðan kardimommu, hveiti, 1/3 bolla af sykri og salti saman við og hnoðið vel saman. Deigið verður klístrað. Hyljið skálina með viskastykki og látið hefast í um klukkustund. Skiptið deiginu í um 15 til 18 bita og búið til kúlur úr bitunum. Raðið á smjörpappírsklædda plötu með smá millibili. Setjið inn í ofninn, ekki kveikja á honum, og látið hefast í klukkustund til viðbótar. Takið úr ofninum. Blandið eggjarauðu og rjóma saman og penslið bollurnar. Hitið ofninn í 175°C og bakið bollurnar í um 20 mínútur. Búið síðan til fyllingu. Stífþeytið eggjahvítu og blandið saman við möndlur og sykur. Þeytið rjóma. Þegar bollurnar hafa kólnað er hola skorin í miðjuna vog fyllt með um matskeið af fyllingu. Rjóma er sprautað ofan á og bollunni lokað. Loks er flórsykri dustað yfir.

Ketó-bollur sem bragð er að

Nú er bolludagurinn fram undan með öllu sínu tilheyrandi sykursukki. Þennan dag brotna jafnvel hörðustu menn niður og segja skilið við sérfæðið sem þeir eru á til að gæða sér á ljúfengri rjómabollu. En eigi þurfa þeir sem eru á ketó-mataræðinu að örvænta. Það eru nefnilega til sykurlausar rjómabollur. Hún María Krista Hreiðarsdóttir, einn eigenda verslunarinnar Systur og makar, á heiðurinn af uppskriftinni. Hún hefur lengi verið á ketó-mataræðinu og sett saman margar uppskriftir að sykurlausu ljúfmeti sem gefur hefðbundna sælgætinu, sem við Íslendingar elskum svo mikið, ekkert eftir.

Fallegar eru þær Ketó-bollur. Mynd/María Krista

Ketó-rjómabollur

Hráefni:

  • 230 g vatn
  • 115 g smjör
  • 1 msk. Sukrin Melis
  • ½ tsk. salt
  • 55 g möndlumjöl fituskert, Funksjonell í grænum pokum
  • 25 g kókoshveiti Funksjonell
  • 1 tsk. xanthan gun
  • 3 meðalstór egg, pískuð
  • 1 tsk. vanilludropar

Aðferð:

Hitið vatn í potti ásamt smjöri, sætu og salti. Þegar vatnið er við suðu þá er þurrefnum bætt saman við, möndlumjöli, kókoshveiti og xanthan gun. Hrærið kröftuglega með sleif, best að nota trésleif og takið svo pottinn af hellunni. Hér má færa deigið yfir í hrærivélarskál eða nota handþeytara í næstu skref. Meðan deigið kólnar er gott að píska eggin saman í annarri skál. Þegar deigið er orðið sæmilega volgt, þarf að vera hægt að snerta með fingrum, þá er eggjablöndunni bætt í smám saman og hrært vel á milli. Deigið á ekki að renna alveg út heldur halda formuðum toppum ef mögulegt er. Látið nú deigið í sprautupoka og látið standa í um 15 mínútur á meðan ofninn hitnar í 190°C. Þá má líka hvíla deigið í skálinni og nota síðan tvær skeiðar til að móta bollur. Sprautið næst fallegum bollum á plötu eða notið tvær matskeiðar til að raða upp bollum á plötuna. Þetta deig nægir í um 10 meðalstórar bollur. Bakið bollurnar í um 20–25 mínútur á 190°C með blæstri í miðjum ofni og ekki opna allavega fyrstu 18 mínúturnar. Best er að opna sem minnst ofninn svo bollurnar falli ekki. Látið bollurnar kólna þegar þær eru fullbakaðar og skerið síðan í helminga og fyllið með rjóma og sultu eða því sem hugurinn girnist.

Glassúr

  • 2 dl fínmöluð sæta
  • 2 msk. kakó
  • 1 msk. mct-olía
  • soðið vatn eða kaffi
  • örlítið af möndludropum

Aðferð:

Blandið saman sætu og kakói, þynnið svo glassúrinn með mct-olíu, og litlum skömmtum af soðnu vatni eða kaffi. Alls ekki setja of mikið, bara 2–3 msk. fyrst og bæta svo í ef þarf. Síðan er hægt að blanda við örfáum möndludropum, en það er ekki nauðsynlegt.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 1 viku

Eitt furðulegasta tilboðið á Íslandi – 50% afsláttur ef þú uppfyllir eitt skilyrði

Eitt furðulegasta tilboðið á Íslandi – 50% afsláttur ef þú uppfyllir eitt skilyrði
Matur
Fyrir 2 vikum

Þetta borðar Greta Salóme á venjulegum degi

Þetta borðar Greta Salóme á venjulegum degi
Matur
Fyrir 3 vikum

Eva Laufey býður í samlokupartý – Frítt fyrir alla

Eva Laufey býður í samlokupartý – Frítt fyrir alla
Matur
Fyrir 3 vikum

Svona leit McDonalds út á níunda og tíunda áratugnum

Svona leit McDonalds út á níunda og tíunda áratugnum
Matur
01.06.2020

Fimm ráð sem gera þig að betri grillara

Fimm ráð sem gera þig að betri grillara
Matur
31.05.2020

Þetta borðar Jóhannes Haukur á venjulegum degi

Þetta borðar Jóhannes Haukur á venjulegum degi
Matur
25.05.2020

Þú hefur verið að loka snakkpokum vitlaust – Svona áttu að gera það

Þú hefur verið að loka snakkpokum vitlaust – Svona áttu að gera það
Matur
24.05.2020

Graskerskaka Bergrúnar Írisar sem bráðnar í munni

Graskerskaka Bergrúnar Írisar sem bráðnar í munni