Matarbloggarinn Berglind er að gefa út sína þriðju uppskriftabók. Hún deildi nýlega með okkur hvað hún borðar á venjulegum degi. Hér deilir hún með okkur uppskrift að ljúffengri pestó-pítsu.

Sjá einnig: Þetta borðar Berglind matarbloggari á venjulegum degi

Pestópítsa

700 g hveiti

1 pakki þurrger (11,8 g)

1 tsk. salt

400 ml volgt vatn

4 msk. ólífuolía

Aðferð:

1. Setjið öll þurrefnin saman í skál og blandið saman.
2. Hellið volgu vatni ásamt ólífuolíu saman við og hnoðið þar til deigkúla hefur myndast.
3. Setjið deigið í skál sem búið er að pensla að innan með matarolíu, plastið og leyfið að hefast í um klukkustund.
4. Skiptið deiginu niður í 5-7 hluta og fletjið út nokkrar pitsur (9-12“) og setjið áleggið á.

Álegg

2½ krukka af Sacla-pestó með basilíku (um 450 g)

300 g kastaníusveppir

40 g smjör

1 rauðlaukur

Rifinn ostur

2 dósir mozzarellakúlur með basilíku (2 x 180 g)

Sólþurrkaðir tómatar frá Sacla

Klettasalat

Kasjúhnetur (saxaðar gróft)

Fersk basilíka

Ólífuolía með basilíku

Salt, pipar og hvítlauksduft

Aðferð:

1. Skerið sveppina niður og smjörsteikið þá við miðlungs hita þar til þeir mýkjast örlítið, kryddið til með salti, pipar og hvítlauksdufti, leggið til hliðar.
2. Penslið vel af pestó á hvern pitsubotn og raðið næst smjörsteiktum sveppum og rauðlauk yfir.
3. Rífið næst ost yfir allt saman og bakið við 225°C í um 10 mínútur eða þar til botninn fer að gyllast í köntunum.
4. Raðið þá mozzarellakúlunum á og bakið áfram í örfáar mínútur.
5. Þegar pitsan kemur úr ofninum má pensla kantana strax með ólífuolíu með basilíku.
6. Að lokum má setja klettasalat, kasjúhnetur, sólþurrkaða tómata og ferska basilíku yfir pitsurnar. Einnig er gott að hella smá ólífuolíu með basilíku yfir alla pitsuna.