fbpx
Laugardagur 19.júní 2021
Matur

Þetta borðar Eva Einars á venjulegum degi

Tobba Marinósdóttir
Sunnudaginn 25. október 2020 14:30

Mynd/Stefán Karlsson

Ekki missa af Helstu tíðindum dagsins í pósthólfið þitt

Lesa nánar

Eva Einarsdóttir, kynningarfulltrúi fyrir Erasmus+ og Nordplus, er galdrakona í eldhúsinu. Hún er hetja þegar kemur að grænmeti og maturinn hennar einkennist af flóknu bragði og fegurð.

„Ég er alltaf með æði fyrir grænkáli. Það er eins og ég sé háð því. Er með 2008 statusa á Facebook um grænkál,“ segir Eva og hlær aðspurð um sitt uppáhalds hráefni. „En já, ef ég ætti að nefna eitthvað þá er það líklega rauðkál. Í fyrstu bylgju COVID bjó ég til kálböggla, mjög fallegir þó ég segi sjálf frá.”

Í síðustu viku skellti ég helmingi í súpu og hinum helmingnum inn í ofn. Súpan varð fallega bleik og ólík öllu sem ég hef eldað.“

Vikuplan er snilld

Eva hefur verið grænkeri í um 20 ár og síðustu 3 ár hefur hún eldað nánast bara vegan mat. „Matreiðsla er mín hugleiðsla má segja og ég legg mikla áherslu á að elda nánast á hverju kvöldi. Er með vikuplan fyrir virku dagana en ekki flókið plan, bara súpa á mánudögum, pasta á þriðjudögum, afgangar/snarl á miðvikudögum, alþjóðlegt eins og thai, indverskt, mexikóskt á fimmtudögum og pitsa á föstudögum.

Ég er orðin duglegri að kaupa eitthvað einfalt eða skyndimat þegar ég er þreytt. Ég verð bara oft svo „matsár“, finnst sumt heimkeypt svo dýrt og ekkert gott,“ segir Eva sem leggur mikið upp úr hollum og heilnæmum mat.

„Ekki láta innihaldslista hræða ykkur. Ef þið eigið ekki eitthvað, þá bara sleppið því eða notið eitthvað í staðinn. Og ef þið viljið nota frekar venjulegt smjör eða majónes þá er bara um að gera. Ekki taka eldamennskuna of alvarlega – æfingin skapar meistarann.“

Matseðill Evu

Morgunmatur

Hef litla matarlyst á morgnana. En fæ mér stundum hafragraut eða chiagraut. Stundum banana. Annars bara kaffi, kaffi.

Millimál

Fæ mér stundum „ógeðisdrykkinn” sem vekur athygli í vinnunni, ískalt vatn, chiafræ, kanil og smá eplaedik. Ekki hugsað sem eitthvað grennandi heldur finnst mér þetta gera maganum gott.

Hádegismatur

Er yfirleitt með nesti með mér í vinnunni. Oftar en ekki afganga frá kvöldinu áður. Súpur í miklu uppáhaldi. Á líka alltaf súpur frá Amy’s kitchen, lífrænar og mjög svona „feel good”

Millimál á daginn

Ég er háð sódavatni og á það alltaf til í vinnunni. Eins á ég alltaf dökkt súkkulaði og hnetur í skúffunni. Já, og lakkrís auðvitað. Svo fæ ég mér stundum hrökkbrauð síðdegis.

Kvöldmatur

Oft súpa eða eitthvað af vikulistanum. Svo er ég ekkert mikill nartari á kvöldin, er ekki mikill nammigrís. Ja, nema ef rauðvín telst sem nammi.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
02.04.2021

Páskaleg kjúklingabaka sem slær í gegn í saumaklúbbum

Páskaleg kjúklingabaka sem slær í gegn í saumaklúbbum
Matur
01.04.2021

Dásamleg páskabomba sem bragð er af

Dásamleg páskabomba sem bragð er af
Matur
21.03.2021

Fylltar paprikur að hætti Kristínar Björgvins

Fylltar paprikur að hætti Kristínar Björgvins
Matur
20.03.2021

Máltíð í krukku – Einfaldar, gómsætar og hollar uppskriftir

Máltíð í krukku – Einfaldar, gómsætar og hollar uppskriftir